Marathonimi rekordi Martin Møllerip pitsanngortippaa

Martin Møller nuannaaqisoq tamanna pillugu ima oqarpoq.

- Nuannaaqaanga. Ullaaq aallartitsinnga tamanna anguniarlugu isummerpunga aamma neriuutigalugu taamaaliussallunga. Sakkortuumik aallartippunga. Marathonip affaa arpaffigereerlugulu paasinarsivoq, arpannera ajunngitsumik ingerlallugu. Kilometerit qulit kisinngorukkakkit nukissakka tamaasa atorlugit arpappunga malugisinnaalluguli suli ajunngitsoq, Martin Møller oqarpoq.

Taassuma maanamut Nunatsinni rekordiusoq, Janus Eigaardimit ukiut 14-nit matuma siorna rekorderineqarlersoq tassa ullumi pitsanngortippaa minuttinik marlunnik 30 sekunntinillu.

Martin Møllerip oqaatigaa, nuannaarutigigamiuk maannamut rekordiusoq pitsanngortikkamiuk aamma oqaatigalugu piffissami kingullermi siornamut naleqqiullugu oqilanerulersimanini malugisinnaasimallugu.

- Ukiut kingulliit marluk sungiusartarnikka pitsaanerulersikkakkit tamanna rekordiliininnut pissutaaqataaneruvoq. Taamaattorli aamma tupaalaatiginngitsuunngilara rekordiliinera.

Arpattartoq sisoraatinillu ujakkaartartoq, Martin Møller taama oqarpoq.

Maniitsumi marathonernermi arnani ajugaasuuvoq Miiti Lynge. Taassuma atorpai 3 timer 32 minutter aamma 8 sekunder. Miiti Lynge aamma Martin Møller Nunatsinni marathonimik aggustip aallartilaarnerani pisumi pissartanngorniunnermi ajugaasuupput.