Kristian "Pablo" Poulsen toquvoq

Tusagassiortoq inuiaqatigiinnilu oqallissaarisarisartoq Kristian Poulsen, Pablo, Qaqortumi ullumi toquvoq. Kristian Pablo Poulsen tusagassiortutut ilinniarsimasuuvoq  ilaatigullu Nunatsinni Tusagassiornermik Ilinniarfimmi siullertut pisortaalluni. Soorlu aamma Siumumik pilersitseqataavoq piffissamilu sivikitsumi SIK-mi siulittaasuulluni sooorluttaaq Sulisartut Partiiannik pilersitseqataasimasoq.

Pablo arlalinnik atuakkiaqarpoq, ukiorpassuarnilu inuiaqatigiinni oqallinnermi peqataalluartarluni, soorlu aamma kalaallit oqaasiinik eqqortumillu atuinissamik pingaartitsilluni ilungersuuteqartartoq.

Kommune Kujallermi borgmesteri Jørgen Wæver Johansen eqqaaniaalluni ullumi ilaatigut ima allappoq:

- Kristian Poulsen inuuvoq uteriitsoq, taamaanninilu pillugu nuannarinnitserpassuaqarpoq, aamma qunusuitsuunini oqaasissaminillu noqinneq ajornini oqallisigeqatigisartakkaminit eqqaamaneqaatigilluassavai.

Kristian Poulsen, Pablo 70-inik ukioqarluni toquvoq.