Københavnimi illu ilisimaneqarluartoq Børsen ikuallattoq
Københavnimi illu ilisimaneqarluartoq, Københavnillu oqaluttuarisaaneranut pingaarutilik Børsen ikuallappoq.
Illup ilisarnaataa napasuliaq Danmarkimi ullaaq nalunaaqutaq arfernup qiteqqunnerata nalaani uppippoq. TV-kkut assit tamanna takutippaa.
Illup iluani qaartoqarpallattarnera aamma tusarsaavoq.
Børsenip nalaanni najuunnertik Københavnimi politiit inoqatinut attaveqaqatigiittarfikkut X-ikkut allaaseraat.
Qatserisartut upalungaarsimasullu ikuallaneranik qamisaasut assini takuneqarsinnaavoq.
Børsenimi qanoq ililluni ikuallattoqalersimanersoq ilisimaneqanngilaq.
Børsen Københavnip immikkoortuani Slotsholmenimiippoq. Illu napasuliartaalu 1625-mi naammassineqarpoq, Københavnimilu illut pisoqaanerit ilaanniilluni.
Børsen iluarsaanneqaleruttortoq
Børsen ulluni makkunani iluarsaanneqaleruttorpoq, tamannalu pillugu ikaanik pilersorneqarsimalluni.
Børsen 1800-kkunni iluamik iluarsartuunneqarsimanngimmat maanna iluarsartuunneqaleruttorpoq, illup saqqaa aallaqqaammut isikkuanut uterteqqinneqassalluni.
Aningaasaateqarfiup A.P.Møller Fondenip nittartagaani tamanna atuarneqarsinnaavoq.
Aningaasaateqarfiup taassuma Børsenip iluarsartuunneqarnera aningaasaliiffiginikuuaa.
Eqqumiitsuliat assigiinngitsut Børsenimiittut annissorneqartut assit takutippaat.
/ritzau/
