Kellymut isissutissat pilerngullugit nunguppaat
Paddy Kellyp Nuummi Katuami septembarip qaammataani tusarnaartitsinissaanut isissutissat nungupput.
Allattoq Camilla Dam, Simon Uldum
Isissutissat tunisaalernerinit ulloq unnuarlu qaangiutiinnartoq isissutissat 508-t tunineqareersimapput.
Nipilersoqatigiinni nuannarineqaqisuni The Kelly Familymi nipilersoqataasimasup tusarnaartitsinissaanut isissutissat ullumi sisamanngornermi nalunaaqutaq 10.00 85-iinnanngoreersimapput.
AAMMA ATUARUK Kelly Familykkormiu Nuummi tusarnaartitsilersoq
Paddy Kelly kisimiilluni akustiskimik tusarnaartitsissaaq, erinarsorluni, kitaarerluni, pattalluni Irlandimiullu qarlortaataannik Pennymik qarlortarluni.
Isissutissamik suli pissarsisoqarsinnaanersoq uani takusinnaavat.
Tusarnaartitsineq septembarip aqqarngani pisussaavoq.