Kelly Familykkormiu Nuummi tusarnaartitsilersoq
Nipilersoqatigiinni tusamaasarsuarni The Kelly Familymi erinarsortuusimasup, erinarsuutit nutaat pisoqqallu tusarnaartitsissutiginiarpai, tusarnaartitsinissanilumi suli nuannarisupilussuuaa. Maannali aamma eqqumiitsuliaminik saqqummersitsisarpoq nutaamillu nuuteeraliorniarluni aamma suliaqaleruttorluni.
- Sumiinnera qanorlu suliaqartiginera apeqqutaatinnagu tusarnaartitsinissara ilaanneeriarlunga pisariaqartittarpara.
- Tusanaartitsisartuuvungami, taamaattuassaangalu. Tusarnaartitsisarfimmi peroriartorpunga, taamaammat aamma nuannarinnitsinnut aalajaatsunut tusarnaartitsinissara pisariaqartittarpara, nipilersortartoq 36-nik ukioqartoq tusagassiorfinnut nalunaaruteqarluni taama allappoq.
Kisimiilluni tusarnaartitsisaqattaarnermini erinarsornermi saniatigut kitaarissaaq, pattalluni Irlandimiullu qarlortaataannik ilisarnaqisumik Pennymik qarlortassalluni.
Paddy Kelly ilaquttani qimallugit teologiimik ilinniarniarluni 2004-mi aalajangerpoq. Matuma kingorna Frankrigimi Belgiamilu mattufinni mattuuvoq.
The Kelly Family rockimik, poppimik inuiaallu nipersoriaasiinik nipilersoriaaseqarlutik 70-kkunni aallartipput. ilaqutariissuit USA-meerlutillu Irlandimeersut nipilersoqatigiittut 2008-mi avissaarput.