Kapisilinnik saattuanillu tunisineq unissaaq
Kapisillit aalisakkerivinnut tunineqartussatut pisassiissutigineqartut 30 tonsiusut tamakkerlugu tunineqarsimalerput.
Kapisillit nammineq pissatut aalisarneqarsinnaapput inuussutissarsiutitullu oktobarip 31-ata tungaanut aalisarneqarsinnaallutik.
Naalakkersuisoqarfiup aamma eqqaasitsissutigaa, inuussutissarsiutigalugu kapisilittarineqartut ullut tamaasa nalunaarutigineqartassammata, sunngiffimmilu pisarineqartut pisarineqarnerinit kingusinnerpaamik aqaguani nalunaarutigineqartassallutik.
Paamiunut Nuummullu saattuartassat tamakkerneqarput
Aqutsiveqarfimmut Nuuk-Paamiut saattuartassiissutigineqartut 950 tonsiust aalisarneqarsimalereermata, tamaani saattuarniarneq septembarip 19-ianni unissaaq. Ulloq taanna aamma kingullerpaamik tunitsivigineqassalluni.