Kalaallit meerartai pillugit marathonerluni arpanniarpoq

Maajip 18-iani, arpattartut 11.000-it 42 kilometerisut takitigisumik Københavnip aqquserngani arpalerpata, Pam Stachip arpaatini atissavai.

- Misigisimavunga uannit annerujussuaq pillugu arpanniarlunga. Pingaarpoq erseqqissassallugu kinaagaluaraanniluunniit sugaluaraanniluunniit inunnut allanut ikiuisoqarsinnaasoq, Stach, Danmarkimi najugalik, taama oqarpoq.

Aningaasat meeqqanut Nuummiittunut Qaanaamiittunullu, Red Barnet taakkunani sammisassaqartittagaanut, timersornernullu atortunut periarfissanullu assigiinngitsunut, atorneqarnissaat neriuutigaa.

Avalallu Pamip facebookimi quppernera nittarsaassallugu nalunaarnikuuvoq, tassuuna Pami aningaasanik katersiniarmat. Aamma Youtubemi, betternow.org-imilu katersiniarneq ingerlanneqarpoq.

- Pam Stachip attavigimmatigut Red Barnet-mi assut tulluusimaarpugut. Piaartumik isumassarsiaq taperserparput, Kalaallit Nunaanni Red Barnet-p Generalsekretæria, Tillie Martinussen oqarpoq.

Copenhagen Marathon 2014-imi aaqqissuisut Pam Stachip arpannissamut nalunaarnera aningaasaliiffigaat.

Katersuiniarneq tapersersorlugu nittartakkamut uunnga isersinnaavutit: https://www.betternow.org/dk/marathonforagoodcause

Pam Stachip piareersarnera uani malinnaavigisinnaavat: https://www.facebook.com/marathonforagoodcause