Islandimi unammilaavissorput
Nerrivimmi arsaararneq Island Gamesimi Bermudami ingerlanneqartussami ilaatinneqartussaanngimmat, Nunatsinni nerrivimmi arsaarartartut pikkorinnersaat Islandimi unammiuaarnernut peqataaniarlutik aalajangersimapput. Angutit arnallu nunanut unammisartut tassani peqataapput.
Allattoq Peter Troelsen, Simon Uldum
Kalaallit Nunaannit unammisartut inuusuttuaqqat ilaatinneqarput. Peqataasut marluk suli junioriupput, unammisaminnulli Islandimeersunut, Savalimmiuneersunut Danmarkimeersunullu unammilluarlutillu malinnaalluarput.
Iligiikkuutaarluni unamminerit ippassaq ullumiluingerlanneqarput, ataasiakkaarlunilu unamminerit kingusinnerusukkut aallartinneqarumaartut, Nunatsinni Nerrivimmi Arsaarartartut Kattuffianni siulittaasoq, Emil Kleemann paasissutissiivoq.
Arnat iligiit tassaapput Nukannguaq Søholm, Bodil-Mona Frederiksen aamma Arnannguaq Lyberh. Angutinilu Ivik Nielsen, Aqqalu Nielsen aamma Dines Hammeken.