Inuit sisamat Appani ajunaarput
Ilulissani politiit nalunaarutigaat inuit sisamat Appat eqqaanni ajunaarsimasut nassaarineqarsimasut. Inuit sisamat ajunaarsimasut Aasiaat Radio ippassaq unnukkut kalerrinneqarnerata kingorna ullumi ullaap tungaani nassaarineqarput.
Allattoq Mads Lynge
aggustip 27-at 2014 08:17
Umiatsiaq Ilulissat eqqaanni Appani kivilersoq Aasiaat Radioata Ilulissani politiinut ippassaq unnukkut qulingiluanut qiteqqutilersoq kalerrisaarutigaa.
Kalaallit Nunaanni Politiit tassunga atatillugu annaassiniarnermik aallartitsipput, qulimiguulik Appat eqqaannukartillugu, soorlu aamma umiatsiat allat umiarsuillu ujaasinermut peqataasut.
Umiatsiaq unnuap ingerlanerani ujaasisoqarnerani nassaarineqanngilaq. Politiilli maanna nalunaarutigaat inuit ajunaarsimasut sisamat tamaani ullumi ullaap tungaani nassaarineqarsimasut. Ajunaarsimasut suli kinaassusersineqarsinnaasimanngillat.
Inunnik allanik ajornartorsiortoqarsoralugu qulimiguullit umiatsiallu atorlugit suli ujaasisoqarpoq.
