Islandimi sinniisoqarfeqalernissaq Inatsisartuni tapersersorneqarpoq
Naalakkersuisoqatigiinnissamik isumaqatigiissummi 2012-mi allassimavoq Kalaallit Nunaat nunanut
qaninnerpaamik sanilerisatsinnut aallartitaqarnikkut attaveqaatinik pilersitsisoqassasoq.
Ukiut tallimat qaanngiuttullu isumaqatigiissutip piviussunngortinnissaanut alloriarneq siulleq ullumi
inatsisartuni oqaluuserineqsssaaq, Islandimi sinniisoqarfimmik pilersitsinissamik Naalakkersuisut siunnersuutaat siullermeerlugu oqaluuserineqassammat.
AAMMA ATUARUK Vittus: Islandimi sinniisoqarfiliornissaq Danmarkimik isornartorsiuinerunngilaq
Naalakkersusiut siunnersuuteqarnermikkut nunap sanilerisap ajunngitsumik ineriartortinneqarnissaa
qulakkeerniarneqarpoq aamma Kalaallilt Nunaata kalaallillu inuiaqatigiit Islandimik suleqateqarnikkut
iluaquteqarnissaat
Islandi General Konsulatimik Nuummi 2013-imi amamavoq.
Ullumikkut islandimiut suliffeqarfiutaat arlallit Kalaallit Nunaanni ingerlatsipput, ukiunilu kingullerni aalajangersimasunik timmisartukkut attaveqarnerit annertusarneqarput, soorluttaaq
Aalisarnikkut Kalaallit Nunaat Islandilu pitsaasumik ataatsimoorussamik soqutigisarpassuartigut suleqatigiittut,
Naalakkersuisut siunnersuuteqarnerminni taama allapput. Siunnersuut inatsisartuni ullumi siullermeerneqasaaaq.
Inatsisartuni ilaasortat amerlanerussuteqartut siunnersuummut isumaqataapput aappassaaneerneqartinnagulu, Nunanut allanut Sillimanissamullu ataatsimiititalimi suliareqqitassanngortinneqarnissaa inassutigineqarpoq.
AAMMA ATUARUK Vittus Islandimi nunatta sinniisoqarfianik pilersitserusuttoq