Imminut toquttarneq Nunavummi immikkut sammineqartoq
Imminut toquttarneq Nunavummi aamma ajornartorsiutaaqaaq, tassami inuit 45-t Nunavummi imminut siorna toqukkamik. Kisitsisit nunat tamalaaneersut takugaanni nunarsuarmi tamanna qaffasinnerpaavoq. Kisitsisit qiviaraanni takuneqarsinnaavoq imminut toquttarneq naggueqatigiit Inunni takussaanerusoq, angutillu 15-it 22-llu akornanni ukiullit imminut toquttartut.
AAMMA ATUARUK Nunavummi imminut toquttartut amerlavallaarnerujussuat pillugu tusarniaanerit aallartinneqalerput
Angutit inuusuttut kinaassutsimik ularussisimasutut misigisimasut, Canadami innuttaasut ataatsimut isigalugit isumaqarput. Tassami piniartuunerup silarsuaani inuusimanermi, nalitsinniluunniit inuusimanerup akornanni inissisimasutut misigisimasarmata. Muteerniusumik inuunissamut ikaarsaarneq Nunavummi angutit inuusuttut ilungersunartutut ilaatigut isigisarpaat, assersuutigalugulu ilinniartitaanikkut kinguarsimanerusarlutik.
Selvmord søges forebygget gennem et bedre uddannelsessystem
Inuit Nunavup avataaneersut taamaammat atorfigissaarnerusartut malunnarpoq, naggueqatigiillu Inuit angutitaat akissarsiagissaarnarpallaanngitsuni sulisartuullutik.
Ilinniartitaanerup piorsaavigineqarneratigut imminut toquttarnerup pinaaversaartinneqarsinnaanissaa taamaammat periarfissaasinnaasoq oqaatigineqarpoq; Canadami naggueqatigiit Inuit suliniaqatigiiffiata Inuit Tapiriit Kanatamip ilinniartitaanerup qaffassarnissaa taamaammat maanna sulianiutigilersaarpaa.
