Ilulissani aamma akerliussutsimik takutitsisoqassaaq

Uranimut akuersaanngilluinnarnerup atorunnaarsinneqarnissaanik Inatsisartut aqagu tunngaviusumik taasinissaannut atatillugu akerliussutsimik takutsinerit assigiinngitsut ulluni makkunani ingerlanneqartussaapput. Maannalu aamma paasinasivoq Ilulissani aammaa taamaaliortoqarnialersoq.
Allattoq Simon Uldum -
oktobarip 23-at 2013 09:18

- Uuraani nunamiiginnarli! NASSUTTUUMI, NARSAMI il.il. UURAANISIORNISSAMUT PILERSAARUTIT UNITSILLIK! Uuraani annanniarfiunngilaq, allatigut napasinnaakuttoorpugut, ukiut qass tusindtit maani nunameereerpugut, napalluta!, Laila K. Hansen akerliussutsimik takutitsinissamut kajumissaaruteqarluni Facebookimi quppernermini taama allappoq.

Akerliuussutsimik takutitsineq aqagu nal. 16.30 pissaaq. Partiilersorneq aporfiginagu nunaqqatitut Sermermiunit ingerlaaqatigiittoqassaaq.

Akerliussutsimik takutitsinissaq politiinut nalunaarutigineqarsimanersoq KNR.gl-imit paasiniaratsigu, Anthon Frederiksenip Ilulissani Politiineersup oqaatigaa akerliussutsimik takutitsisoqarnissaa politiinit tusamaaneqartoq akerliussutsimilli takutsisoqarnissaanik politiinut nalunaaruteqartoqarsimanngitsoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq