Ilinniartut ileqqaarnissaminnut kaammattorneqarput

Ilinniartut atuartullu paasisassarsiorlutik angalanissamut siuningaanniit pilersaarusiortut aningaasanillu ileqqaartut iluanaarutissaqartut, Air Greenlandip Grønlandsbankenillu nalunaarutigaat:

- Inuusuttut nunarsuarmut angalallutik isumassarsisinneqartarnerisa pingaaruteqassusaa ilisimavarput, Grønlandsbankenimi allaffissornikkut ingerlatsinermi pisortaq Carsten Th. Pedersen oqarpoq.

Grønlandsbanken aamma Air Greenland Kalaallit Nunaanni atuarfinni ilinniarfinnilu atuartunut ilinniartunullu annertuumik akikillisaavoq:

- Meeqqat inuusuttullu klassimi atuaqatitik peqatigalugit paasisassarsiorsinnaasut amerlanerulernissaannut peqataarusuppugut, Air Greenlandimi niuernermik ataqatigiissaarisoq Christian Keldsen oqarpoq.

Ileqqaarnissamut ilinniarneq

Sisimiuniit Københavnimut siumut utimullu akikinnermi 5200 koruuninik akiliilluni angaloqarsinnaassaaq, Air Greenlandimili akikillisaaneq Nunatta iluani, Københavnimut Keflavikimut Iqalunnullu angalanermut atuuppoq.

Grønlandsbankenimilu ileqqaarneq iluaqutissartaqarpoq:

- Ileqqaarneq imminut akilersinnaavoq. Atuartunut ilinniartunullu, angajoqqaanut atuarfinnullu oqariartuuterput taama ersaritsigaaq. Uagullu pilersaarusiorneq piffissaagallartilluglu eqqortumik iliorneq iluanaarutaasumik ernialikkut akissarsisitsinissaq nuannaarutigeqaarput, Carsten Th. Pedersen oqarpoq.

Ukioq ataaseq ukiulluunniit marluk qaangiuppata aatsaat paasisassarsiorluni angalanissamut pilersaarusiorussi, Air Greenlandip timmisartuutaanut ilaanissamut bilitsinik aalajangersimasunik akilinnik, aallarnissarlu qaammammik ataatsimik sioqqullugu akiligassanik aamma pissarsisoqarsinnaassaaq.

Ikummatissanulli mittarfimmullu akitsuutit allannguuteqarsinnaanerat aallaavigalugit akinik allannguisinnaanissaq isumaqatigiissusiortut imminnut pisinnaatipput.

Air Greenlandip nittartagaani sukumiinerusumik paasiniaasinnaavutit