Ilimmarfiup isornartorsiuineq akissuteqarfigaa

- Isumaqarpunga, Trudy ilumoortoq. Akuuunerulernissatsinnik kaammattuutitut oqaasii tiguakka, Ilisimatusarfimmi Isumiginninnermut Immikkoortortami pisortaq Mette Sonniks, nassuiaavoq.

AAMMA ATUARUK Tarnip pissusaanik ilisimasalik: Nalunaarusiornerit naammaleqaat

Nunatsinni ilisimatuutut ilisimasanik nunaanik Meeqqat pillugit ataatsimeersuarnermi amigaateqarnerarlugu tarnip pissussaanik ilisimasalik oqarmat ilumoornerarpaa.
Ilisimatuut ilinniagartuunngorniarllu ilisimasaasa Nunatsinni siaruarneqarnerunissaat, taassuma ilungersuutigerusuppaa. Naak ilinniartut ilisimalersimasaat ilisimatuussutikkut ilisimasatut taaneqarsinnaanngikkaluartut, inuiaqatigiinnut soqutiginaateqakkajuttartut, Mette Sonniksip isumaqatigaa.

- Taanna oqaatigeriarlugu, oqaatigisinnaavara, maanngaanniit inuiaqatigiinnut ikiuukkusuttupiluassuuugatta, Ilisimatusarfimmi immikkoortortami pisortaq, Mette Sonniks, oqarpoq.

Katuami ataatsimeersuarneq, nunat avannarliit meeqqanik atornerluinermik sumiginnaanermillu pinaveersaartitsinernik suliaqartut kattuffiannit, NFBO-mit, aaqqissuunneqartoq ullumi naammassissaaq