Ikiaroornartunik arsaarinniffigineqartut amerlanerulersimapput
Kalaallit Nunaanni politimisteri Bjørn Tegner Bay nassuiaavoq politiit illoqarfimmi takussaanerulersimasut, taamaattumillu aamma ikiaroornartunik tuniniaasunut eqqumanerulersimallutik.
Bjørn Bayip ilimagaa, aanngajaarniutinut inatsimmik unioqqutitsisut ukiup siulianiit amerlanerusut;
- Ikiaroornartut arsaarinnissutigisagut naliginnaasumiit amerlanerupput, arsaarinnittarnerpulli akulikinnerulluni, taamaattumik arsaarinninnerulerpugut arsaarinnissutit annikittukkuutaarneruinnarlutik, Bjørn Tegner Bay oqarpoq.
Kalaallit Nunaanni politiit ukiumoortumik kisitsisaataasa takutippaat, 2010-mi 500-t sinnilaarlugit aanngajaarniutinut inatsimmik unioqqutitsisimasut , 2011-milu 500-t ataatilaarlugit aanngajaarniutit inatsisaanik unioqqutitsillutik.
Sapaatip akunneri marluk missaat qaangiuppata, 2012-imut ukiumoortumik kisitsisit naammassineqarnissaat politiit ilimagaat.