ICC-p ataatsimeersuarnera nittartakkatsinni malinnaaffigiuk
ICC-p aqqaneq marlussaannik ataatsimeersuarnera Canada-p kimmut avannaani, Inuuvimmi ingerlanneqartoq, ullaaq qulinngiluap qeqqanut, Inuuvimmi nalunaaqutaq malillugu aallartippoq, Inuuvimmiut qilaatersortartut qitittartullu aallarniisoralugit.
Allattoq Apollo Jeremiassen
juulip 21-at 2014 13:38
Tamatuma kingorna qinnussineqareermat, ICC-p siulittaasua, Aqqaluk Lynge ataatsimeersuariaqataasunut tikeraanullu tikilluaqqusilluni oqalugiarpoq.
Ataatsimiineq toqqaannartumik malinnaaffigisinnaavat, ataatsimiinerit kulturikkullu unnukkut takutsitsinerit nittartakkakkut takusinnaassavatit.
Uani nittartakkami paasisaqarnerugit.
Ataatsimeersuarnerani peqataasut tassaapput Chukotka-miut, Alaskamiut, Canadamiut aamma Kalaallit Nunaamiut.
ICC-p ataatsimeersuarnera ingerlanneqarpoq Inuuviup Atuarfia ilaanni, East 3 School-imi.
