Filminik festivaleqarnerani takutinneqassaaq

Rockimik nipilersoqatigiit Sume pillugit piviusulersaarutip takuteqqaarneqarnissaa sioqqullugu Danmarkimi takutinneqarnissaa ullulerneqarpoq.
Allattoq Simon Uldum -
juulip 25-at 2014 03:41

Filmi taaguuteqartoq "Sume - mumisitsinerup nipaa", Greenland Eyes International Film Festival naggaserlugu filmertarfimmi Cinemateketimi, Det danske Filmintitutimit pigineqartumi, septembarip 24-ani Danmarkimi takuteqqaarneqartussanngorpoq.

- Filmip takuteqqaarnissaa sioqqullugu Greenland Eyes Festivalimi takutissinnaanera nuannaarutigaarput, taamaaliornikkummi filminik soqutigasalippassuarnit takuneqarsinnaalissammat, Sume pillugit filmimik ilitsersueqataasoq, Emile Hertling Peronard, oqarpoq.

AAMMA ATUARUK Nipilersoqatigiit Sume pillugit filmiliaq naammaassineqartoq

Greenland Eyes Festivalimi filmit nunatsinnut issittumullu tunngassuteqartut, nutaat pisoqqallu, takutinneqartarput. Festivalilu tassaanerarpoq "Kalaallit Nunaat pillugu filminik festivalit nunarsuarmi annersaat".

Filmip pisortatigoortumik takuteqqaarneqarnissaa oktobarip 16-iani pissaaq.

Nunatsinni, Nuummi, septembarip qulingani immikkut qaaqqusanut takutinneqassaaq, ullullu marluk qaangiunnerini tamanut takutinneqassalluni.

Qaammallu taanna kingusinnerusukkut illoqarfiit allat filmertarfiini aamma takutinneqarumaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq