Erik Jensen kommunalbestyrelsimi sulinngiffeqarniartoq
Qeqqata Kommuniata inissititerluni ataatsimiinnerani apriilip ulluisa 26-anni pisussami oqaluuserineqartussat tamanut saqqummiunneqaqqammerput, oqaluuserineqartussanilu immikkoortut pingajuanni, Erik Jensenip kommunalbestyrelsemi qinikkatut sulinngikkallarnissamik qinnuteqaataa oqaluuserineqassaaq.
Tunngavilersuutigineqartumi atuarneqarsinnaavoq Erik Jensen Naalakkersuisutut sulilernermi nalaani sulinngiffeqarallarnissaminik qinnuteqartoq.
Erik Jensenip Naalakkersuisutut oqartussaaffiit Kommunenut, Nunaqarfinnut Isorliunerusunut Attaveqaqatigiinnermut Ineqarnermullu oqartussaaffigilissagunarpai, Mute B. Egedep Inuit Ataqatigiinneersup naalakkersuisuuffigisimasai, Martha Lund Olsen Naalakkersuisunit januaarimi soraarsitaanerata kingorna, taanna kommunalbestyrelsemut qinigassanngortinnerata kingorna Naalakkersuisunit tunuartinneqarpoq.
