| Nunatsinnit | Nunanit allanit | Politikki | Inuussutissarsiorneq | Pinerlunnerit | Kulturi | Timersorneq |
Qallunaat nunanut allanut tunngasunut ministeriannut Villy Søvndahlimut Naalaakkersuisullu siulittaasuannut Kuupik Kleistimut Siumut sinnerlugu Folketingimi ilaasortap Doris Jakobsenip ammasumik allakkamini, immami uumasunik nungusaataanngitsumik kalaallit piniarsinnaatitaanissaat, qallunaat EU-mi siulittaasuuneranni, qallunaat kalaallillu iluaqutiginialersaarneraat apeqqutigaa.
Doris Jakobsenip ammasumik allagaqarnerani, nammineq oqarneratut, Villy Søvndalip "pakatsinartumik akisimanera" pissutaavoq. Villy Søvndalimmi akissuteqaammini Kalaallit Nunaminni atugassarititaasunik namminneq paasisitsiniaanissaat tapersersorniarpaa, ilaatigut inuuniutitoqqat attatiinnarneqarnissaasa anguniarneqarneranni, soorlu puisit tunisassiarineqartarnerat tapersersorumasimammagit.
Taamaariarmat Doris Jakobsen isumaqarpoq, Villy Søvndalip akissutaa paatsuugassaanngitsoq, tassami Kalaallit Nunaata ICC-llu issittormiut uumasunik nungusaataanngitsumik atuisinnaatitaanissaannik, ukiorpanngulersuni sorsuutiginninnerannut ikiuunniannginnerarlugu.
Tassami Kuupik Kleist aamma Villy Søvndal naalakkersuinikkut partiitigullu suleqatigiinnerat Doris Jakobsenip ilanngullugu tikkuartorpaa, oqarlunilu:
- Taamaammat ilissi tamatumuuna suleqatigiilluarnerulaarnissarsi naatsorsuutigisimagaluarparput, Doris Jakobsen oqarpoq, nangillunilu:
- Immaqaliaasiit Kuupik Kleistip suleriaasissanik angisuunik nunanut allanut tunngasunut ministeeriaqarfik suleqatigiissuteqarfigileruttoraa.
- Taamaassappat Kalaallit Nunaata puisit amiinik ilungersuuteqarneranut atatillugu, nunanut allanut tunngasunut ministeeriarfik qanoq tapersersuinialersaarnersoq, ukiup affaani aggersumi qanoq timitalerniarnerissi tamanut oqaluttuarisariaqarparsi, Doris Jakobsen taama naggasiivoq.
|
Massakkut saqqaani nutaarsiassat
|
 Nunatsinnit, Pingasunngorneq Februaarip 22-at 2012 15:12
Issittoq pillugu aallartitaq paasititsiniaanissamik suliniuteqalerpoq Great Greenland EU-mi inissisimalluarneruleqqullugu. |
 Kultur, Pingasunngorneq Februaarip 22-at 2012 14:57
USA-mi illoqarfissuarmi New York-imi Uummannaq saqqumilaartinneqartussanngorpoq. |
 Sport, Pingasunngorneq Februaarip 22-at 2012 12:46
Sulorarnermi kujataani pissartanngorniunneq naammassivoq, Angusat takukkit. |
 Erhverv, Pingasunngorneq Februaarip 22-at 2012 11:04
Canadamiut uuliasiortitseqatigiiffiat Husky Energy 2013-mi uuliasiorluni qillerinissaminut piareersaleruttorpoq. |
 Kultur, Pingasunngorneq Februaarip 22-at 2012 10:37
Kommuneqarfik Sermersuumi kulturpulje, tassa aningaasat kulturikkut suliniutilinnut agguaassassat, aningaasaateqarfinngorpoq. Ateqalerpoq Aningaasaateqarfik Sermeq – kulturi nutaamik eqqarsalersitsisarmat. |
 Nunatsinnit, Pingasunngorneq Februaarip 22-at 2012 08:55
Sisimiuni Oqaatsinik Ilinniarfimmi oqalutsimut nutserisumullu ilinniartitaasoqarunnaartassammat, Ilisimatusarfimmi bachelorinngorniutigalugu nutserisutut inuussutissarsiutinilu oqaatsit pillugit nutserisutut ilinniartoqarsinnaalissaaq
|
 Erhverv, Pingasunngorneq Februaarip 22-at 2012 08:42
Pilersuisup pisiniarfiini internettikkut annertunerusumik pisiniarsinnaaneq KNI´p suli anguniarpaa. Nunaqarfiit inukilliartorneranni nioqqutissat ikilisinneqarnissaat tamatumani pissutaavoq. |
 Politik, Marlunngorneq Februaarip 21-at 2012 21:10
Soraarnerussutisiaqarnernut akileraarutit maannakkut atuuttut eqqarsaatigalugit, taakkulu aaqqinneqarnissaat siunertaralugu, Nunatta Danmarkillu akornanni isumaqatigiinniutaalerpoq.
Aningaasaqarnermut Naalakkersuisup, Maliina Abelsenip aamma danskit Akileraartarnermut ministeriata ullumi ataatsimeeqatigiinnerminni tamanna eqqartugaasa ilagaat. |
 Politik, Marlunngorneq Februaarip 21-at 2012 20:38
Oqaatsinut politikki pillugu allannguutissatut siunnersuut innuttaasut inuuniarnermut aningaasartuuteqarnerulernerannik nassataqassaaq. Namminersorlutik Oqartussat taama nammineq nalunaaruteqarput.Kalaallilli oqaasii pingaartinneqassappata taamaattariaqassaaq, kultureqarnermut naalakkersuisoq Mimi Karlsen oqarpoq, Siumullu sinnerlugu inatsisartunut ilaasortaq Malik Berthelsen isumaqataavoq. |
