Borgmesteri immikkut ittumik ataatsimiigiaqqusivoq
Kommunit akornanni ataatsimoortumik tapiissutit agguataarneqarneranni kommuneqarfik Sermersooq 56 million koruuninik akiliuteqassasoq aningaasaqarnermut naalakkersuisoq Vittus Qujaukitsoq juunip 27-ani 2014 siunnersuuteqarluni nalunaarpoq.
Kommunit akornanni tapiissutit agguataarneqarneranni kommuneqarfik Sermersooq 100 millionit koruuninik maannamut akiliuteqartareerpoq.
- Tamatuma kingunerisinnaasai takorloorneqarsinnaapput pitsaanngitsuusut aammalu innutaasunut eqqornerluiumaartut taamaattumik oqaluuserisariaqarpagut kommunalbestyrelsemi tamarmiulluta, borgmester Asii Chemnitz Narup oqarpoq.
AAMMA ATUARUK Kommuneqarfik Sermersooq pilliuteqarnerpaassaaq
Tapiissutit agguataarneqarnerat pillugu siunnersuutip nutaap kommuninit aalajangiiffigineqarnissaa, aningaasaqarnermut naalakkersuisoq Vittus Qujaukitsoq aggustip aqqarnat 2014 nallertinnagu pissasoq issaq oqarpoq.
Taanna sioqqullugu Kommuneqarfik Sermersuumi aningaasaqarnermut ataatsimiititaliap misissuinissamut pisinnaatinneqarnissaanik Asii Chemnitz kommunalbestyrelsemut noqqaassuteqarniarpoq.
- Aningaasaqarnermut naalakkersuisumik isumaqatiginniarnissap tungaanut kommunemi aningaasaqarnermut ataatsimiititaliaq assigiinngitsumik misissuissasoq kommunalbestyrelsemut noqqaassutiginiarpara, uangalu tunuliaqutserneqassasunga assigiinngitsunik paasissutissanik piumasaqaatinik, Asii Chemnitz Narup oqarpoq
Kommuneqarfik Sermersuumi kommunalbestyrelsep immikkut ittumik ataatsimiinnera ullumi pisussaq ammasuusaaq.
