AWG2016-ip Iqaluit suleqatigiinnissamik isumaqatigiissuteqarfigaa
Tamatuma saniatigut Nunavummi Naalaakkersuisut Iqalunni atuarfiit AWG2016-mut akeqanngitsumik atukkiunnissaat akuersaarpaat. Atuarfiit unnuisarfittut aaqqissuussanullu allanut AWG2016-ip ataani ingerlanneqartussanut atorneqassapput.
- Naalakkersuisut kommunalbestyrelsillu AWG2016-imi sikumi arsaarariarlutik Iqalunnukartussat aammalumi Iqalunni innuttaasut nuannersumik misigisaqartinnissaat suleqataaffigerusummassuk nuannaarutigeqaarput. Maani Iqalunni suleqatigiinnermut annertuumik tapersersuisoqarnera malugivarput, amerlasuunillu eqqaamaneqarluarpoq 2002-mi Nunavuup Nunattalu peqatigiillutik aaqqissuisuuneranni misilittagaqarfiulluartut, General Manager Maliina Abelsen oqarpoq.
AWG2016-imi timersuutinit unsammissutaasunit 15-iusunit 14-it Nuummi ingerlanneqassapput
Naalakkersuisunik kommunalbestyresimillu isumaqatigiissusiornerit saniasigut, Iqalunni sikumi arsaarartartut peqatigiiffiat, kultoorikkut suliniuteqartut, tusagassiorfiit, peqatigiiffiit, tapersersuerusussinnaasut suleqatissallu AWG2016-ip ataatsimeeqatigai.
AWG2016-imi timersuutit 15-it unammiuaarfiussapput. Taakkunannga 14-it Nuummi ingerlanneqassallutik, Iqalunnlu taamaallaat sikumi arsaarartoqassalluni.
Sikumi arsaararneq Canadami nuannarineqarluartuuvoq, taamaammallu unammiuaarnissat Iqalunni ingerlanneqarnissaat iluarisimaarneqarluarpoq.