Arsaallutik pissartanngorniuttunut radiukkut malinnaagit

S-68-ip, pissartanngorniunnermik aaqqissuisuusup, unamminermi siullermi Malamuk Uummannameersoq unammissavaa. Unammineq KNR radiukkut toqqaannartumik ualeru sisamanut tanneq aqqanermiit malinnaaffigineqarsinnaassaaq.
 
Arnat arsaannermik pissartanngorniunneranni holdit tallimat peqataasut tassaapput S-68 Sisimiuneersoq, Malamuk Uummannameersoq, Nûk Nuummeersoq, I-69 Ilulissaneersoq aamma Kugsak-45 Qasigiannguaneersoq.

Angallavissaqannginneq pissutigalugu peqataasinnaanngitsut
 
UB-83 Upernavimmeersoq pissartanngorniunnermi peqataasussaagaluartoq angallannermi ajornartorsiuteqartoqarnera pissutigalugu apuussinnaajunnaarami peqataanngitsuussaaq.
 
- Peqataasinnaajunnaarnerat S-68-imiit uggoraarput. UB-83-imut taartaasinnaasunik pissarsioraluaratta iluatsinngilarput, taamaattumillu aaqqissuisut unamminissat allanngortitertariaqarsimavaat, S-68-imit tusagassiuutinut nalunaarumminni allapput.
 
Arnat arsaallutik pisaartanngorniunnerat Sisimiuni ualeru tassa aallartissaaq arfininngorpallu pissartanngorniutivinnermik naggaserneqassalluni.

KNR-ip pissartanngorniunnermi aallakaatitsivissai:
Ataasinngorneq-tallimanngorneq
Nal. 16 - 18
Nal. 19 - 21

Bronzennanniunneq arfininngorneq:
Nal. 14-16

Pissartanngorniunneq sapaat:
Nal. 16 - 18