Aqqaluk Lynge pillugu atuakkamik saqqummertoqarpoq

Aqqaluk Lyngep Inuit kattuffianni ukiorpassuarni sulinermini oqalugiaataanik katersanik atuakkiaq tuluttooq ICC-p ataatsimeersuarneranut atatillugu saqqummersinneqarpoq.
Allattoq Karsten Sommer, Simon Uldum
juulip 25-at 2014 05:16

Atuagaq taaguuteqarpoq ’An Inuit Voice - A collection of speeches" (Inuup Nipaa - oqalugiaatinik katersat) Aqqaluk Lyngellu ICC-mi siulittaasuujunnaarneranut atatillugu saqqummersinneqarluni.

- Ukiuni 34-ni ICC-mi sulivunga, uannullu ataqqinaatitut isigivara Issittumi Inuit 160.000-it sinnerlugit oqaaseqartartuusimanera, Aqqaluk Lynge oqarpoq nangillunilu:

- Atuagaq siuariarsimanivut naggueqatigiillu Inuit ajugaaffigisaat pillugit eqqaasitsisuusinnaassasoq neriuutigaara.

Oqalugiaatini sorpassuit sammineqarput

Oqalugiaatit atuakkamut katersorneqartut assigiinngitsorpassuarnik sammisaqarfiupput. Soorlu nunasiaaneq, silap pisussiata allanngoriartornera, Issittumi Siunnersuisooqatigiit, inuttut pisinnaatitaaffiit, aatsitassarsiorneq aamma qangaaniilli ilisimasat.

’Inuup Nipaa’, kalaallisut danskisullu aamma saqqummersinneqartussaq, Aqqaluk Lynge suliai pillugit itisiliinerusumik Marianne Stenbækip atuakkiassaanut Diplomacy of Survival - Aqqaluk Lynge, an Inuit statesman’-imut aallarniutaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq