Angutit arsaallutik pissartanngorniunnerat ima ingerlassaaq
Ukioq kingulleq pissartanngortut B-67 pulje 1-imiipput IT-79 Nuummeersut, Eqaluk-54 Tasiusameersut, Nagdlunguak-48 Ilulissaneersut aamma pulje 1-imiipput.
Pulje 2-miikkaluarput TM-62 Kulusummit, FC Malamuk Uummannamit, G-44 Qeqertarsuarmit aaqqissuisullu NÛK.
TM-62-ili tunuartariaqalermat Nagtoralik Paamiuneersoq TM-62 taarserlugu Pulje 2-mut ilannguppoq.
Unamminerit 18-init tamaasa KNR-TV-kkut malinnaavigisinnaavatit, ulluinnaallu tamaasa nalunaaqutaq 18 18.15-inillu akornanni radiokkut paasissutissat kingulliit tusarsinnaassallugit. Bronzennanniunneq ajugaaniutivinnerlu radiokkut toqqaannaq aamma aallakaatinneqassapput.
Unamminerit Nuummi arsaattarfimmi ataasinngorpat aggustip sisamaani nalunaaqutaq ataatsimut aallarnerlugit NÛK G-44-lu unammissapput. Akunnerillu marluk qaangiuppata, nalunaaqutaq pingasunut, Eqaluk-54 pissartanut B-67-mut unammissapput. Nalunaaqutarlu tallimanut NAgtoralik FC Malamukkilu unammissallutik. Unamminerillu siulliit naggaserlugit Nagdlunguak-48 IT-79-ilu nalunaaqutaq 19.30 unammissallutik.
Unammisussat sinneri imaapput:
Aggustip tallimaat:
Nal. 13 FC Malamuk - G-44
Nal. 15 Eqaluk-54 – Nagdlunguak-48
Nal. 17 B-67 – IT-79
Nal. 19 Nagtoralik - Nûk
Aggustip arferngat:
Nal. 13 Eqaluk-54 – IT-79
Nal. 15 B-67 - Nagdlunguak-48
Nal. 17 Nagtoralik – G-44
Nal. 19 FC Malamuk – Nûk
Aggustip arfineq aappaat:
Nal. 17 Pulje 1-imi 4-ranngortut – Pulje 2-mi 4-ranngortut (7-imut inissinniunneq)
Nal. 19 Pulje 1-imi 3-nngortut – Pulje 2-mi 3-nngortut (5-imut inissinniunneq)
Aggustip arfineq pingajuat:
Nal. 17 Ajugaaniutivinnissamut anngunniunnerit Pulje 1-imi ajugaasut Pulje 2-milu 2-nngortut unamminerat
Nal. 19 Ajugaaniutivinnissamut anngiunniunnerit Pulje 1-imi 2-nngortut Pulje 2-milu ajugaasut unamminerat
Aggustip qulingiluaanni:
Nal. 17 Bronzannanniunneq
Nal. 19 Ajugaaniutivinneq
