Angut inuusuttoq qamuteralannik ajutoorluni ajunaartoq
Sisimiuni angut 18-inik ukiulik qamuteralannik ajutoorluni ippassaq arfininngornermi ajunaarpoq. Ajunaarneq pivoq Sisimiut aamma Kangerluarsuk Tulliup akornanni.
Arkivbillede
Allattoq Jonas Løvschall-Wedel
februaarip 05-at 2017 12:40
Nutserisoq Jaaku Lyberth
Nutartigaq 16:42 angut inuusuttoq ajunaartoq Danmarkimeersuuvoq.
Angut inuusuttoq ajunaartoq Danmarkimeersuuvoq. Politiit KNR-mut tamanna uppernarsarpaat.
Angut inuusuttoq pineqartoq atuarnerminut atatillugu Sisimiunut tikeraarpoq Danmarkimilu najugaqarluni.
Ajutoortoqarmat politiit kalerrinneqarput. Angut inuusuttoq annertuumik ajoqusersimammat nukingertumik Sisimiuni peqqinnissaqarfimmukaanneqarpoq, tassanilu uummarsarneqarsimagaluarpoq iluatsinngitsumilli, Sisimiuni politiit KNR-imut taama paasissutissiipput.
Angutip inuusuttup ajutoornini toqqutigimagaa, Politiit misissuinerisa maannamuugallartoq takutippaat.
Angutip inuusuttup qanigisai kalerrinneqareersimasut, Sisimiuni politiit ilisimatitsipput.
