Angerlarsimaffeqanngitsoq ullorsiutini assilisittartuuvoq
Ullorsiutini sammineqarput kissaatit piviusunngortinnissaat, ullorsiutillu assitaanni angerlarsimaffeqanngitsut suliffigerusutaanni assilineqarsimapput.
Taakku ilagaat Jens Markussen, Nuummi inunngortoq Danmarkimilu alliartorluni. Nuummi ukiuni arfineq marlunni nammineq piumassutsimik qatserisartuusimavoq, kissaatigigaluarpaalu qatserisartunngoqqinnissani. Kristelig Dagblad taama allaaserinnippoq.
- Ikiuunneq nuannaraara, aammami pissanganartorujussuuvoq ikuallattumik qatserineq annaanneqarsinnaasunillu annaassiniarneq - soorunami inuit uumasullu pingaarnerutillugit. Qatserisartunngoqqinnissara kissaatigigaluarpara, kisiannili peqqissutsima tamanna ajornakusoortikkaa nalunngilara, Jens Markussen oqarpoq.
2005-mi qatserisartuujunnaarnermi kingorna Københavnimi angerlarsimaffeqanngitsutut inuusimavoq.
Ullorsiutini assiliisuuvoq Holger E. Henriksen.
