| Nunatsinnit | Nunanit allanit | Politikki | Inuussutissarsiorneq | Pinerlunnerit | Kulturi | Timersorneq |
- Angajoqqaarsiat ilaat Jyllandimi najugaqartarput, taavalu meeraq Bornholmimi efterskolerluni. Imaassinnaavoq Nunatsinniikkaanni ungasinngitsoq, kisianni 500 kilometeri ungasippoq akisullunilu, soorlu billetti 900 koruuninik akeqartarpoq. Taanna aporfiusinnaavoq, Kalaallit Illuutaanni Københavnimiittumi atorfilik, Pia Rosing Heilmann, oqarpoq.
Efterskolerniarluni tapiiffigineqarumagaanni attavigisassatut angajoqqaarsiaqarnissaq Namminersorluni Oqartussanit piumasaqaataavoq. Tassalu inuusuttut angajoqqaavi angajoqqaarsiassanik namminneerlutik ujarlertarput, Pia Rosing Heilmannilu isumaqarpoq tassani ajutoortoqartartoq.
- Aamma aporfiusinnaavoq angajoqqaarsiat akisussaaffik suna tigusimanerlugu paasisimanngikkaagassuk, ajoraluartumik Pia Rosing Heilmann.
- Immaqa ilisarisimasaasa ilaat arlaannik ilisarisimasaqartarput ungasissumilluunniit ilaqutaqarlutik, ajunngisaarumagaluarlutik oqartunik, "ajunngilaq taamaaliorsinnaavugut", eqqarsaatigeqqaarnagu, sumik imminnut pisussaaffilernerlutik. Taamaalillutalu efterskolertoq angajoqqaarsiallu ataqatigiinngilluinnartut, angajoqqaarsiallu pisussaaffimminnik sumiginnaasut, nammattoorsinnaasarpavut, Pia Rosing Heilmann oqarpoq.
Angajoqqaarsiat suliassaraat, efterskolertoq atuanngiffeqartillugu, atuarfik matoqqatillugu atuartorlu napparsimatillugu angerlarsimafimminni najugaqartissallugu aammalu atuarfik angajoqqaanut ulloqartitsisillugu takkuttassallutik.
- Uanga isumaqarpunga, piareersarluarneq pingaartorujussuusoq. Aamma siumut isumaqatigiinnissaq pisariaqarpoq, imminut aperaluni, akisussaaffik una tiguara, taava sussaanga? Kaasarfimmiussat immaqaluunniit billettinut akiligassat qanoq pissavagut? Akisussaaffik annertoorujussuummat, efterskoleriartumullu toqqissisimasunik angajoqqaarsiaqarnissaq pingaarami, Pia Rosing Heilmann oqarpoq.
Ajornartorsiut tamanna Danmarkimi Kalaallit Illuutaannit allanit ilisarineqarpoq. Ilinniartunut siunnersorti Mette Lund oqarpoq, Odensimi angajoqqaarsianik ilaatigut naammattuuisarlutik suliassartik suusoq eqqarsaatigeqqaarnagu isumaqatigiissummik atsiuinnarsimasunik.
Kisianni Aarhusimiit oqaatigaat, ukiut siuliini ajornartorsiuteqartarsimagaluarlutik, ukioq manna ajunngitsumik ingerlasut. Pia Rosing Heilmann isumaqarpoq, ajornartorsiut pilersaarusiorluarnerunikkut iluarsineqarsinnaasoq.
- Uanga isumaqarpunga Kalaallit Nunaanni angajoqqaat atuarfiillu piareersimaffiginerusariaqaraat, angajoqqaarsianullu akisussaaffik suunersoq paasilluarlugu, suullu piumasaqaataasut angajoqqaarsiat pasissagaat, Pia Rosing Heilmann oqarpoq.
Tassalu Pia Rosing Heilmann isumaqarpoq ajornartorsiut anigorneqarsinnasoq, angajoqqaat Nunatsinni ilinniartitsisut siunnersuisartut suleqatigalugit piareersarnerusartuuppata misissorlugulu, meerartik kikkunnut nassiunnialernerlugu, angajoqqaarsiaasussamullu aamma meeqqap kaasarfimmiussai, atuanngiffiit, angalanissamut aningaasartuutit allallu oqaloqatiginnissutigalugit.
- Angajoqqaat angajoqqaarsiassarsioraangamik apeqqusiinerusariaqarput, angajoqqaarsiallu ilisimasariaqarpaa, meeqqamik isumaginnissagunik ukiumi ataatsimi pisussaaffeqartussaagamik, ilinniartunut siunnersorti, Københavnimi Kalaallit Illuutaanni atorfilik Pia Rosing Heilmann oqarpoq.
|
Massakkut saqqaani nutaarsiassat
|
 Politik, Ataasinngorneq Maajip 21-at 2012 13:35
Ukiuni aggersuni allanngortiterinissani soraarnerussutisiat aamma misissuataarneqassapput. Aningaasaqarnermut Naalakkersuisut Maliina Abelsen (IA) soraarnerussutisiaqartitseriaatsimik allaalluinnartumik siunissami takorluugaqarpoq. |
 Erhverv, Ataasinngorneq Maajip 21-at 2012 12:18
Aatsitassarsiorfiutileqatigiit Red Rock Resources saviminissamik Qimusseriarsuarmi ujaasilernissaat ullualunnguit qaangiuppata aallartissaaq. |
 Krimi, Ataasinngorneq Maajip 21-at 2012 10:59
Ilulissani politiit sapaatip akunnerata naanerani ulapaarsimapput. Quppernerit 14-it atorlugit nalunaarsuisoqarsimavoq, taamaattoq immikkut taasarialittut ataaseq taamaallaat tikkuarneqarpoq. |
 Nunatsinnit, Ataasinngorneq Maajip 21-at 2012 10:38
Suleqatigiit nammineq piumassutsimik suliniartussat Qeqertarsuarmi aallartipput inersimasut imminnut nakkarsaattarnerannik akiuiniartussat. |
 Erhverv, Ataasinngorneq Maajip 21-at 2012 09:19
Ella Grødemip Visit Greenlandimeersup, isiginnaartitsisartup Nukâka Coster-Waldau-ip uia qallunaaq filmiliaritittartoq Nicolai Coster-Waldau peqatigalugu, nersornaat New Yorkimi tigussavaa. |
 Krimi, Ataasinngorneq Maajip 21-at 2012 08:42
Nuummi inuusuttuaqqat angallatini nuannaariutini aallaasinik savinnillu tillipput. |
 Politik, Ataasinngorneq Maajip 21-at 2012 08:20
IA sinnerlugu folketingimi ilaasortap Sara Olsvigip Danmarkimi inatsit nutaaq, kalaallit Danmarkimut nuukkaangamik, meeqqanut tapiissutinik pisinnaanerannut killiliisoq allanngortikkusuppaa. Tusagassiuutinut taama nalunaaruteqarpoq. |
 Nunatsinnit, Sapaat Maajip 20-at 2012 17:53
Isiginnaartunit arsartunillu qiimmattaatigineqaqisumik isiginnaartut ilaannit nillertoqarpallappoq IA-kkormiut Aleqa Hammond, Siumup siulittaasua, ajuuffiit qanilligaangagit immikkut sissuerlugu paarisariaqaraat. Arsaattunik isiginnaartut 400-it missaanniipput. |
 Politik, Arfininngorneq Maajip 19-at 2012 17:46
Nunatsinni sulisoqarnikkut suliniaqatigiiffiit naammagiinnarsinnaajunnaarpaat, Naalakkersuinikkut ullut tamangajaasa allangorartumik nutaamik nalunaarutinut isummersortarneri.
|
