| Nunatsinnit | Nunanit allanit | Politikki | Inuussutissarsiorneq | Pinerlunnerit | Kulturi | Timersorneq |
Kuupik Kleistip siuttuunini kiisami takutikkaa, Siumup siulittaasuata, Aleqa Hammondip oqaatigaa - illuatungaatigullu aamma oqaatigalugu, Ove Karl Berthelseni siulittaasuminit inissinneqartoq.
- Isumaqarpunga maannakkumut inuiaqatigiit malinnaatinneqarnerannik Naalakkersuisut siulittaasuata oqariartuuteqarnera pitsaasuusoq, tassami ukiut pingasut matunma siornali tamanna anguniarnialerlugu oqaatigisareermassuk, Naalakkersuisut tusagassiortunik tallimanngormat katersortitsinerminni oqariartuutaat pillugit Siumup siulittaasua, Aleqa Hammond taama oqarpoq.
Tusagassiortunik katersortitsinermi oqaatigineqarpoq neriorsuutigineqarluni, aatsitassarsiornerup qanoq ingerlanneqarneranut inuiaqatigiit peqataatinneqarnerusariaqartut, taamaaliornissamilu suleqatigiissitamik pilersitsinikkut tamanna anguniarneqassasoq.
Ilanngullugu Naalakkersuisut oqaatigaat, suliffeqarfissuit tusarniaatitsinerisa inerneri piaartumik kikkunnut tamanut saqqummiunneqartalissasut.
Naalakkersuisullu neriorsuutigaat, Aatsitassanut Pisortaqarfiup oqartussaaffii, ilaatigut avatangiisit misissorneqartarnerannut tunngasut allanut suliakkiutigineqassasoq.
Tusarniaatitsisarnerni inuiaqatigiit peqataatinneqarnerulernissaannik Naalakkersuisut pilersaaruteqalernerat, Kalaallit Nunaanni Sulisitsisut Peqatigiiffiata tamanna pillugu nalunaarusiortuanit, Sara Aaaenimit nuannaarutigineqarportaaq.
- Inuiaqatigiinnik tusarniaatitsisarnerit pillugit suleqatigiissitamik pilersitsisoqarnissaa ilorraap tungaanut aallariarneruvoq. Neriuutigaaralu tamanna kinguneqarluarluni allannguinernik nutaanik tunngaviliisuujumaartoq, Sara Aaen oqarpoq.
Ingerlatsivissuit pilersinneqalernerini tusarniaatitsisarnerit pillugit nalunaarusiortoq, Kalaallit Nunaanni Sulisitsisut Peqatigiiffiannit, Sara Aaen oqarpoq. Nalunaarusiamini ujartorpaattaaq, pisunut inuiaqatigiinnut ammanerunissaq. Nuannaarutiginerarlugulu politikerit maanna tamanna pillugu pilersaarusiulernerat.
- Inuiaqatigiit akornanni oqallisaanera sivisuumik ingerlasimavoq, politikkikkulli qisuariarfigineqarsimanani. Maannali qisuariarfigineqalerunarluni, tamannalu nuannaarutissaavoq, Aleqa Hammond oqarpoq.
Tusagassiortunik tallimanngormat katersortitsisoqarnerani Naalakkersuisut siulittaasuata, Kuupik Kleistip peqataanera, Aleqa Hammondip nuannaarutigalugu oqaatigaattaaq.
- Isumaqarpungalu Naalakkersuisut siulittaasuata akulerunneratigut, aatsitassaqanermut tunngasut ammanerusumik oqallisaalernissaat anguneqartoq, aammalu paasivarput Naalakkersuisut siulittaasuata naalakkiutai Ove Karl Berthelsenip malittariaqalerai, Aleqa Hammond oqarpoq.
- Ove Karl Berthelsenimut Naalakkersuisut siulittaasuata inaaliinera isumaqarpunga pissusissamisoortoq. Siumumiillu pingaartipparput Naalakkersuisut tamarmiullutik ammasumillu inuiaqatigiinnut ammasumik peqataatitsillutillu politikkeqarnissaat, Aleqa Hammond oqarpoq.
Aatsitassanut Pisortaqarfiup akisussaaffiisa ilaasa allanut suliakkiutigineqartarnissaannut akissaqartoqanngitsoq, Ove Karl Berthelsen Qanoruumut sisamanngormat oqarpoq. Naalakkersuisullu siulittaasuat, Kuupik Kleist tallimanngormat oqarluni, Pisortaqarfiup akisussaaffiisa ilaasa allanut suliassanngortinnissaannut atatillugu, ukiamut Inatsisartut ataatsimiilerpata inatsissap allannguutissaanik eqqarsalereerlutik.
|
Massakkut saqqaani nutaarsiassat
|
 Politik, Ataasinngorneq Maajip 21-at 2012 13:35
Ukiuni aggersuni allanngortiterinissani soraarnerussutisiat aamma misissuataarneqassapput. Aningaasaqarnermut Naalakkersuisut Maliina Abelsen (IA) soraarnerussutisiaqartitseriaatsimik allaalluinnartumik siunissami takorluugaqarpoq. |
 Erhverv, Ataasinngorneq Maajip 21-at 2012 12:18
Aatsitassarsiorfiutileqatigiit Red Rock Resources saviminissamik Qimusseriarsuarmi ujaasilernissaat ullualunnguit qaangiuppata aallartissaaq. |
 Krimi, Ataasinngorneq Maajip 21-at 2012 10:59
Ilulissani politiit sapaatip akunnerata naanerani ulapaarsimapput. Quppernerit 14-it atorlugit nalunaarsuisoqarsimavoq, taamaattoq immikkut taasarialittut ataaseq taamaallaat tikkuarneqarpoq. |
 Nunatsinnit, Ataasinngorneq Maajip 21-at 2012 10:38
Suleqatigiit nammineq piumassutsimik suliniartussat Qeqertarsuarmi aallartipput inersimasut imminnut nakkarsaattarnerannik akiuiniartussat. |
 Erhverv, Ataasinngorneq Maajip 21-at 2012 09:19
Ella Grødemip Visit Greenlandimeersup, isiginnaartitsisartup Nukâka Coster-Waldau-ip uia qallunaaq filmiliaritittartoq Nicolai Coster-Waldau peqatigalugu, nersornaat New Yorkimi tigussavaa. |
 Krimi, Ataasinngorneq Maajip 21-at 2012 08:42
Nuummi inuusuttuaqqat angallatini nuannaariutini aallaasinik savinnillu tillipput. |
 Politik, Ataasinngorneq Maajip 21-at 2012 08:20
IA sinnerlugu folketingimi ilaasortap Sara Olsvigip Danmarkimi inatsit nutaaq, kalaallit Danmarkimut nuukkaangamik, meeqqanut tapiissutinik pisinnaanerannut killiliisoq allanngortikkusuppaa. Tusagassiuutinut taama nalunaaruteqarpoq. |
 Nunatsinnit, Sapaat Maajip 20-at 2012 17:53
Isiginnaartunit arsartunillu qiimmattaatigineqaqisumik isiginnaartut ilaannit nillertoqarpallappoq IA-kkormiut Aleqa Hammond, Siumup siulittaasua, ajuuffiit qanilligaangagit immikkut sissuerlugu paarisariaqaraat. Arsaattunik isiginnaartut 400-it missaanniipput. |
 Politik, Arfininngorneq Maajip 19-at 2012 17:46
Nunatsinni sulisoqarnikkut suliniaqatigiiffiit naammagiinnarsinnaajunnaarpaat, Naalakkersuinikkut ullut tamangajaasa allangorartumik nutaamik nalunaarutinut isummersortarneri.
|
