Aleqa aamma Namminersorlutik Oqartussat Inuvimmi aliikkusersuipput

ICC’p Inuvimmi ataatsimeersuarnerani, Namminersorlutik Oqartussat, Aleqa Hammond siuttoralugu, immikkut qaaqqusanut pingasunngormat unnukkut unnussiuaartitsipput, nerisissasaqartitsillutik aamma kalaallisut erinarsuutinik tusarnaartitsisoqarluni taamatullu kalattut qitittoqarluni.
Allattoq Apollo Jeremiassen
juulip 25-at 2014 07:07

Aleqa Hammond-ip tikilluaqqusilluni oqalugiarnermini eqqaavaa, ICC-p sulinera, inuit issittormiunut sutigut tamatigut pingaarutilerujussuummat taamatullu oqaatigalugu malugineqarsinnaammat ataatsimeersuaqataasut akornanni ataatsimooqatigiinneq.

AAMMA ATUARUK Aqqaluk Lynge pillugu atuakkamik saqqummertoqarpoq

Inuit qaaqqusat ataasiakkaat qujaniarfigineqarlutik tunissutisipput, ilaatigut ICC Alaskap præsidentia, Jimmy Stotts, taanna kalaallit akornanni taaneqartartoq ‘Kalaallit Nunaata ningaavanik’, tassa Maniitsormiumik, Karo Heilmann Stotts-mik nulialik. Jimmy Stotts tunineqarpoq marrianik eqqunmiitsuliortup, Kristine Markussen-ip suliaanik.

Kalaallit ataatsimeersuarnermut peqataasut tamarluinnarmik aliikkusersuipput, ilaatigut kaluttut qitillutik erinarsoqattaarlutillu. Atugaasa ilagaat Frederik Kristensen-p, Kunngip taallia erinniaalu ‘Pavunga Qaqqamut’

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq