Umiarsuarnik takornariartaatinik sullissisut tapersersuipput: Akitsuutit nutaat pillugit qisuariarnissamut piffissaqanngilaq

Umiarsuarnik takornariartaatinik sullissisut umiartuussinissatik imaluunniit umiarsualivinnut aamma siunissami avatangiisinut akitsuutit pillugit aningaasanik missingersuutitik naleqqussassallugit angumerisinnaanngilaat, ernumaginninnermi taaneqarpoq.

Allattoq Thor Bill

decembarip 15-at 2023 14:19

Nutserisoq Per Rosing

Aningaasaqarnermut naalakkersuisup, Erik Jensenip (S) decembarip 18-iani akissuteqarneranik nutarterneqarpoq.

Kalaallit Nunanni umiarsuarnut takornariartaatinut umiarsualivinnut avatangisiinullu akitsuutit sukkavallaartumik eqqunneqarput.

Norgemiut umiarsuarnik takornariartaatiliutaat Hurtigruten Expeditions taama isumaqarpoq, aningaasanik missingersuutiminnut akitsuutit nutaat ilanngutinnissaannut angumersisinnaannginnamik.

Taakkulu tapersersorneqarput suleqatigiffimmit “Association of Arctic Expedition Cruise Operators” (AECO)-imit, taannalu tassaavoq issittumi umiarsuarnik takornariartaatinik takornariartartitsisarnermik sinniisuusoq, allakkatigut KNR-imut akissutiminni allapput.

- Umiarsuarnik paasisassarsiorlutik takornariartaatinik sullissisunut pilersaarusiorneq pisarnertut ukiut marluk-pingasut pisussat sioqqullugit ingerlanneqartarpoq, taamaattumillu ukiumi tullermi umiartornissanut pilersarutit allanngortinnissaat ajornakusooqaaq. Ukiup tulliata akitsuutit nutaat Kalaallit Nunaanni umiartornissamut qanoq sunniuteqassanersut takutissavaa, allapput.

Aamma atuaruk Umiarsuarnut takornariartaatit akitsuutit nutaat piareertut: Kommune ataaseq affaannarmik akitsuusiiniartoq

Kalaallit Nunanni umiarsuarnut takornariartaatinut umiarsualivinnut avatangisiinullu akitsuutit sukkavallaartumik eqqunneqarput.

Norgemiut umiarsuarnik takornariartaatiliutaat Hurtigruten Expeditions taama isumaqarpoq, aningaasanik missingersuutiminnut akitsuutit nutaat ilanngutinnissaannut angumersisinnaannginnamik.

Sumiiffinnut iluaqutaasussaq pillugu akitsuutinik akileerusupput

Norgemiut takornaroartaatinik umiarsuaatiliat Ifølge det norske krydstogtfirma Hurtigruten Expeditions naapertorlugu akitsuutinik nutaanik atuutilersitsineq ataatsimilluunnit ajoquteqnngilaq. Atuutilernissaanut piffissakinneq kisimi ajornartorsiutaavoq.

Aamma tamanna AECO-p isumaqatigaa.

- Kommunit umiarsuarnik takornariartaatit takornariartortitsinerillu allat tunngavigalugit aningaasartuutillit aningasanit pissarsinissaat inatsisip nutaap qulakkiissavaa. Unammilligassaq pingaarneq tassaavoq inatsit taanna taama sivikitsigisumik piffissalerlugu atuurilersinneqarmat, inuussutissarsiornermik ingerlatsisoqarfik naleqquttumik piffissalerlugu pilersaarutisorsinnanngimmat, allapput.

Umiarsuarnut takornariartaatinut akileraarutit / akitsuutit

2003-mi takornariartaatini ilaasumut ataatsimut akileraarut 300 kr. atuutilerpoq. Akileraarutip atuutilersinneratigut takornariartaatit umiarsualivimmiinnermut akileraarutaat atorunnaarpoq.
2006-imi takornariartaatini ilaasumut ataatsimut akileraarut 450 kr.-mut qaffanneqarpoq. Peqatigitillugu eqimattanut ilaalluni angalasunut ilaasumut ataatsimut akileraarut 450 kr. eqqunneqarpoq.
2009-mi akileraarutit tamarmik inummut ataatsimut 525 kr-mut qaffanneqarput.
2015-imi takornariartaatini ilaasumut ataatsimut akileraarut aamma eqimattanut ilaalluni angalasunut ilaasumut ataatsimut akileraarut peerneqarput. Paarlattuanik takornariartaatit umiarsualivimmut talinnermut atatillugu akitsuut atuutilersinneqaqqippoq, umiarsuit angissusaat naapertorlugu akit assigiinngitsuullutik.
2024-mi umiarsualivimmiinnermut akileraaruteqariaaseq nutaaq ukiortaami atuutilissaaq. Umiarsualivimmiinneq imaluunniit umiarsualiviup silataani kisaqqaneq ataaseq ilaasumut ataatsimut 50 kr-qalissaaq. Peqatigitillugu kommunit sumiiffiit avatangiisinut aserfallatsaaliuinermullu nutaamik akiliiffiusussat toqqassavaat, akiliutissatullu siunnersuut naapertorlugu nunaligussinermi ataatsimi ilaasumut ataatsimut annerpaamik 50 kr.-ussasut aalajangerneqarpoq. Tassunga ilanngullugu aamma umiarsualivimmiinnermut akileraarutit takornariartaammut ataatsimut 30.000 bruttoton sinnerlugu angissuseqartumut nalinginnaasumit marloriaatinngussapput.

Allisiguk

Hurtigruten Expeditions assigalugit ser AECO-p akitsuut nammineq aornartorsiorfissaqartinngilaa.

- AECO-p ilaasortattalu ukkataraat tikitassatsinnut nalileqartunik pilersitsinissaq. Naleqartut assigiinngitsorpassuarnik isikkoqarsinnaapput; sumiiffimmi nioqqutissanik pisineq, takornariartitsisunik atorfinitsitsineq, sumiiffimmi inuiaqatigiinnik attaveqalerskitsineq, ilisimatuutut misissuisunik oqartussanillu suleqateqarneq, sumiiffinni sullississutinik pisineq aamma akileraarutinik akitsuutinillu akiliinikkut, allapput.

Naalakkersuisoq: Akitsuutit pitsanngorsaanissamut aallartitsipallassapput

KNR-ip aningaasaqarnermut naalakkersuisoq, Erik Jensen Hurtigruten Expeditionsip isornartorsiuineranut atataillugu oqaaseqartippaa.

Erik Jensen allakkatigut akissummi allappoq:

- Naalakkersuisut Inatsisartullu umiarsuarnik takornariartitsisartut takornariartaatigut akitsuutit 2024-mi januaarip aallaqqaataanit atuutileratik 2025-mi januaarip aallaqqaataanit atuutilernissaat kissaatigigaluaraat ilisimavarput. Malittarisassalli uku 2024-mi januaarip aallaqqaataanti atuutilereernissaat pisariaqartoq politikkikkut isumaqatigiissutigineqarpoq

- Tamanna suliffeqarfinnit taakkunannga nammineq kommuniniillu umiarsuavinni eqqaanilu pitsanngorsaasoqarnissaanik pisariaqartitsisoqangaatsiartoqarneranik ersersitsinerpassuarnik minnerunngitsumik pissuteqarpoq. Sumiiffiit ilaanni tikittunut atortulersuisoqassaaq, perusuersartarfilersuisoqassaaq assigisaannilluunniit. Sumiiffinni allani umiarsualiviit iluarsartuunnissaat imaluunniit allilerneqarnissaat pisariaqartinneqarpoq.

Aamma atuaruk Umiarsuarnut takornariartaatit akitsuutit nutaat piareertut: Kommune ataaseq affaannarmik akitsuusiiniartoq

- Umiarsuarnik takornariartitsisoqartarnera ukiuni kingullerni ineriartungaatsiarnikuuvoq, nunarpullu siunissami tikinneqarumasuunissaa naatsorsuutigaarput. Taamaammat takornarianut atortorissaarutit pitsanngorsarnissaat maanna pingaarnersiulereernissaat pingaaruteqarpoq. Umiarsuarnut takornariartaatinut akitsuutit taakkununnga aningaasartuuteqarnerunerpunt pingaartumik tapiissutaassapput.

Umiarsuarnut takornariartaatinut akitsuuteqarnissamut inatsisissatut siunnersuut Inatsisartunit ukioq manna novembarip 14-iani isumaqatigiissutigineqarluni akuerineqarpoq.