Akiliinerluttunik nakkutiginnittussamik nalunaarsuiffeqalerpoq

Akiligassaq siullermik takkuttarpoq, taannali akillinngikkaaanni nukingisaarutit tullinnguuttarput, taava akiliinnerlutunik nalunaarsuiffimmi atit allassimalissaaq. Nunatsinni akiligassanik akiliinngitsoortartut nalunaarsorneqartassapput.

- Imaasinnaavoq inuiot ilaata biilini biilileriffimmi iluarsartikkai akiliingitsoorluni, taava biilileriffimmut allamut tulliani suliarititsiniarluni, taakkuali maanna naaggaarsinnaapput, paasisimagunikku siuliani akiliinngitsoorsimasoq. Tassa akiliisanngitsoortarneq kinguneqarnerlussinnavoq, Karla Nielsen taama oqarpoq.

Uani aamma atuaruk: Sermersuumi Politiit angallattunik nakkutilliinermut allaffittaartut.

Akiligassanik akiliinngitsoortarnut nalunaarsuiffimmi KR-imi suliffeqarfiit ilaasortanngorsinnaapput, akiliinerluttartullu atii tassani allattorsimasassallutik.Tassalu suliffeqarfiit nalunaarsuiffikkut kikkut akiliinerluttarnersut takusinnaasavaat. Nalunaarsuiffimmi atit nuippat akiligassarsilluni pisineq aningaasaateqarfimmilu atorniarnissaq ajornakusoornasisarpoq. Atillu nalunaarsuiffimmi allaqqalersimappat aatsaat ukiut tallimat qaanngiuppata peerneqassaaq. Taama nalunaarsuisalerneq suliffeqarfinnut iluaqutaalluassaaq, akiitsulinnut akerlianik nuannaarutissaanngikkaluartoq. Akigassanik akiliinngitsoortartunut naluaarsuiffimmik aallartitsisup oqaatigaa nalunaarsuiffik suliffeqarfinniit nuannaarutigineqartoq.

- Oqartariqarpugut nalunaarsuiffik aallartilluartoq. Suliffeqarfiit nittartagarput aqqutigalugu ilaasortanngortarput, namminerlu uagut saaffigisavut ilaasortanngornikuupput. Suliffeqarfiillu amerlanerit oqarfigisarpaatsigut, tassa taamaattoqqissaamik amigaateqarsimallutik, tamaammat oqartariaqarpugut nalunaarsuiffik aallartilluaqisoq, Karla Nielsen nalunaarsuiffimmik aallartitsisoq taama oqarpoq.
Nunatsinni akiitsullit daskit nalunaarsuiffiani RKI-imi aamma nalunaarsorneqartareerput.