Ahmed Akkari Narsami ilinniartitsisunngoqqippoq
Taama Jyllands-Posten allaaserisaqarpoq.
Akkari Danmarkimi ilinniartitsisutut suliffissarsisinnaasimanngilaq, islamit palasiattut sulereersimalluni maanna islamisut upperisani qimallugu Kalaallit Nunaannut uterpoq.
AAMMA ATUARUK Akkari: Kalaallit Nunaata ikiorpaanga
Ahmed Akkari Danmarkimi ilisarisimaneqalerpoq, Muhammed pillugu titartakkat 2005-imi akerleriiffiusumik oqaaseqarfigigamigit. Pisimasoq nunarsuarmi tamarmi sakkortusivoq, Akkari’p titartakkat Kangiani Qiterlermi nittarsaammagit.
Ilinniartitsisup kingorna upperisani islam tunuppaa atuagarlu ”Min afsked med islamismen” ukioq manna saqqummersillugu. Taamaaliornerli ajornaatsuinnaasimanngilaq, Danmarkimilu politikeriniit ikiorserneqarnissani amigaatigisimavaa.
- Uannut tunngasoq killiffigalu eqiingaffigineqarsinnaangaluarput, nammineerlungalu aaqqiivigisariaqarsimavara. Allat allannguerusukkaluit taamaalinngitsoorsinnaapput, inuimmi upperisaminnik tunutsisimasut kiserliortunngortarput, Ahmed Akkari Jyllands-Postenimut oqarpoq.