Aalisartut annaassiniaqataasut Uummanami politiinit qutsavigineqarput

- Inuit arfinillit immamiittut qaqinniarneranni uummarsarnerannilu aalisartut ikiuuttut qutsavigerusuppakka, Uummannami politiassistenti Jens Thorin oqarpoq.
 
Qulingiluanik ukiullip uummarsarnera iluatsippoq
 
Juullip Inuata illuanut iluarsaassutissanik inersimasut tallimat assartuineranni niviarsiaraq qulingiluanik ukiulik angalaqataasoq, uummarsarneqarluni annaanneqarpoq.

AAMMA ATUARUK Uummannami alianartumik ipilluni ajunaartoqarpoq
 
Arnar marluk, 65inik 70inillu ukiullit annaanneqarput, angulli 70inik ukiulik arnallu marluk, 67inik 77inillu ukiullit ajunaarput.
 
- Anngukkatta arnat marluk immamiittut naallioqaat, Jens Thorin oqaluttuarpoq, erseqqissarlugulu aalisartut piaartumik ikiuukkiartorsimanngitsuuppata ajutoorneq ajornerusumik kinguneqarsimassangaluartoq.

Ajutooqataasut tamarmik Uummannami najugaqarput, Jens Thorinillu oqaluttuaraa, ajutoorneq illoqarfimmi inuit misigissusaannik ullumikkut annertuumik attuisoq.
 
- Kikkut tamarmik malinnaaqataapput, Jens Thorin oqarpoq.
 
Ajutoortut Ummannamut uternerminni ajutoorput.