Aalisakkat pisussinnaasut nunatsinneersut saqqummerseqqaarneqarput

Uumasut ujaranngornikut qaqutigoortut, Nunatsinni 1930-kkunni nassaarineqarnikut, siullermeerlutik saqqummersinneqarput.
apriilip 15-at 2014 12:26

Uumasut ujaranngornikut uumasuni nunamiuulersuni siulliit ilaanneersuupput, tassa Ichtyostegat, aalisakkamiit naraserlunngornerup akornaniittut.

Ujaranngornikut ukiorpassuarni Cambridge Universitetimi, Tuluit Nunaanniittumi, toqqoqqaneqarsimapput, ilisimatuunit misissorneqarlutik.

Maannali Statens Naturhistoriske Museumip pisimavai, Geomuseum Faxellu siulluni saqqummersittussanngorlugit.

Ichtyostega uumasuusimavoq angisooq, miiterip aappaa avillugumiit 2 miiterisut angitigisuullutik. Taamaattumillu uumasumik ilivitsumik ujaranngornikumik nassaartoqarnikuunngilaq, ujaranngornikulli seqummakui ilamerngilu nassaarineqarnikuullutik.

Saqqummersitsinermi uumasup niaqua qanoq isikkoqarsimanersoq takuneqarsinnaasunut ilaavoq.