20-nik ukiullip gassimik naamaarnini toqqutigigaa
Suliffeqarfiit naamaarneqarsinnaasunik soorlu gasimik atuiffiusut kujataani politiinit kajumissaarneqarput, naamaarneqarsinnaasunik peqarunik taakkuninnga parnaarullugit toqqorsisaqqullugit.
Allattoq Jørgen Semionsen
Arfininngornerup sapaatillu akornanni unnuakkut Qaqortumi angut inuusuttoq 20-t missaannik ukiulik gas-imik naammaareerluni toqunerata kingorna politiit taama kajumissaaripput.
Qaqortumi inissiat ilaanni assortuuttoqartoq politiinut nalunaarutigineqarpoq, tamatumalu kingorna inuusuttut arlaqartut gasimik naamaarsimasut paasineqarpoq.
Angut 20-it missaannik ukiulik napparsimaviliaanneqaraluarluni annaanneqarsinnaasimanngilaq.