18-nik ukiulik ujaarineqarpoq

Qeqertarsuarmi politiit ujaaraat 18-nik ukiulik Palu Broberg, taanna kingullermik sisamanngormat takuneqarpoq, angerlarsimaffimminit Qaqqannguup Aqqutaaniittumit sisamanngormat unnukkut arfineq pingasut qeqqata missaanni animmalli.
Allattoq Jaaku Lyberth
decembarip 06-at 2014 13:06

Palu Broberg 180 centemeterisut anigissuseqarpoq tujuujuaraq qernertoq atorpaa, koorput qarliinik taartunik qarleqarpoq, kamippaat aappaluttumik qalipaatillit Niket atorpai, angerlarsimaffimminniillu anigami qaavatigut atisanik atugaqanngilaq oqarasuaallu angallattagaq nassarsimanagu.

 Palu Broberg qinnuigineqarpoq ilaquttaminut imaluunniit politiinut attaveqaqqullugu  taamatuttaaq innuttaasut Palu Brobergip sumiiffianik imaluunniit Palumik nalunnginnittut politiinut attaveqaqquneqarput,  Qeqertarsuarmi politiit oqarasuaataata normoraat 70 14 25 imaluunnit Nuummi politeeqarfiup pigaartuanut 70 14 48-mut saaffiginneqquneqarput.

Qeqertarsuarmi politiit innuttaasunut kaammattuuteqarput,  quitik imaluunniit kiileritik taakkununngaluunniit assingusunut alakkartereqqullugit.

 

  

  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq