KNR TV-kkut aallakaatitassiaq nutaaq, tassalu ’Nunatsinnit’. Aallakaatitassiaq minutsinik 25-nik takissusilik ataasinngornermiit sisamanngorneq ilanngullugu aallakaatinneqartarpoq.

TV-liutileqatigiit sineriammiittut assigiinngitsut paarlakaajaallutik aallakaatitassiortarput, sammineqartullu ilagaat kulturimut tunngasut, peqatigiiffeqarneq, eqqumiitsuliortut kusanartuliortullu, erinarsoqatigiit, taalliortut, nipilersortartullu sammillugit aallakaatitassiat. Aammattaaq najukkami innutaaqatimik ilisaritsitinerit, inuussutissarsiuteqarneq, timersorneq kiisalu pinngortitaq avatangiisivullu sammineqarsinnaasut ilagaat.