Kalaallit ilinniagaqartut Danmark-imi kattuffiat Avalak Ålborg-imi kalaallit illuutaanni saqqummersitsivoq, kattuffiup ukiuni 25-inngortorsiornera malunnartinniarlugu. AG ullumi saqqummersoq taamatut allaaserisaqarpoq.

Kattuffik 1980-imi pilersinneqarpoq, nalliuttorsiornerlu malunnartinniarlugu Danmark-imi, kalaallillu nunaanni aviisinit allaaserineqarsimasut assilineqarsimasullu saqqummersinneqarlutik.

Ilinniagaqartut suminngaanneersuunerat saqqummersitani takuneqarsinnaapput.

Kalaallit illuanni Ålborg-imi saqqummersitsineq novembarip ulluisa 15-iata tungaanut takuniarneqarsinnaavoq.