Allakaatitassiaq nutaaq, tassalu ’Nunatsinnit’ unnugu KNR TV-mi aallakaatineqaqqaassaaq. Aallakaatitassiaq minutsinik 25-nik takissusilik ataasinngornermiit sisamanngorneq ilanngullugu aallakaatinneqartassaaq.
TV-liutileqatigiit sineriammiittut assigiinngitsut paarlakaajaallutik aallakaatitassiortuussapput, sammineqartussallu ilagaat kulturimut tunngasut, peqatigiiffeqarneq, eqqumiitsuliotut kusanartuliortullu, erinarsoqatigiit, taalliortut, nipilersortartullu sammillugit aallakaatitassiat. Aammattaaq najukkami innutaaqatimik ilisaritsitinerit, inuussutissarsiuteqarneq, timersorneq kiisalu pinngortitaq avatangiisivullu sammineqarsinnaasut ilagaat.
’Nunatsinnit’ unnugu nal. 19:30 siullerpaamik isiginnaarsinnaavat.
Annertunerusumik paasisaqarusukkuit uunga saaffiginnissinnaavutit: KNR-imi Siuarsaavimmi pisortaq Niels Pavia Lynge oqarasuaammut uunga +299 48 29 99-mut sianerlutit imaluunniit npl@knr.gl -imut allallutit.
