 |
 |
< Nutaarsiassat tamaasa (knr.gl/nutaarsiassat)
|
Kommunip taaguutissaa: Kommune Kujalleq Tallimanngorneq juunip 13-at 2008 nal. 13:40 ALLATTOQ: KNR-IMI NUTAARSIASSAT Kujataani ikaarsaariarnermi ataatsimiititaliap, pingasunngornermi juunip ulluisa aqqarnanni, ataatsimiinnerminni kommunip taaguutissaa aalajangiuppaat, tassaasoq Kommune Kujalleq.  Kommunip ilisarnaatissaatut toqqaanermi savaateqarneq aallaavigineqarpoq. Taamatut atsiinissamik siunnersuuteqartoq, Lutti Knudsen, Qaqortumeersoq, 10.000 koruuninik akissarsitinneqarpoq. Kommunip ilisarnaatissaatut toqqaanermi savaateqarneq aallaavigineqarpoq savallu niaqua ilisarnaatitut atorneqarluni. Kommunip Kujalliup ilisarnaatissaa, Kalaallit Nunaata erfalasuanut eqqaanartumik, aappaluttumik qaqortumillu qalipaateqartinneqarpoq. Sys Abrahamsen, Qaqortumeersoq, ilisarnaammik sanasuuvoq, tamannalu 10.000 koruuninik akissarsissutigaa. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
