 |
 |
< Nutaarsiassat tamaasa (knr.gl/nutaarsiassat)
|
Arnat ulluanni assassukkanik tuniniaapput Arfininngorneq marsip 08-at 2008 nal. 18:52 ALLATTOQ: KNR-IMI NUTAARSIASSAT Arnat nunarsuaq tamakkerlugu ulluat nunatsinni aamma malunnartinneqarpoq. Nanortalimmi arnat illuanni tamanut ammasumik kaffillertoqarpoq kaagisorusuttullu aamma kaagisuullutik. Assassukkanik aamma tuniniaasoqarpoq, ileqqullu tamakku ukiuni arlaqalersuni atuussimapput, Nanortalimmi arnat illuanni siulittaasoq oqarpoq:  Larsine Petrussen, saamerleq, aamma Kathrine Petrussen, talerperleq, Nanortalimmi Arnat Illuanni ilaasortaapput, Kathrine Petrussen Arnat Illuanni ukiuni 25-ni siulittaasuusimavoq.  Larsine Petrussen Nanortalimmi Arnat Illuanni sivisunerpaamik ilaasortaasimavoq. Illu ammarneqarmat ukioq ataaseq qaangiummat, tassa 1954-imi, illumukartalerpoq. -Ullumikkut Arnat Ulluat, marsip arfineq-pingajuat, nalliussiniarlugu maani katersuuttarpugut. Illuuterput ullumikkut ammarparput nalunaaqutaq ataatsimut, inuit piumasut kikkulluunniit kaffisoriakaapput, kaageqarlunilu pivoq. Assassukkanik aamma tuniniaavugut, pisisoqangaatsiarpoq, taavalu ataqqinaammik ilaasortarput suliaminik ingerlatsilluni maani peqataavoq, assassukkaminillu takutitsilluni. Tamatta peqataavugut, assut nuannerpoq, inuit isaasut amerlanermik. Arnat Ullorisartagaat una uagut aamma pinngitsoornata ukiut tamaasa malunnartittarparput, nuannareqigatsigu, ullorlu assut pissarsiffigisarparput illoqarfimmiut aggiasut peqatigalugit, nuannarisaqaarput inuppassuit aggertarmata. Taama oqarpoq Nanortalimmi arnat illuanni ukiuni 42-ni ilaasortaasimasoq, ukiunilu 25-ni siulittaasuusimasoq, Kathrine Petrussen. Naalakkersuisuusuni arfineq-marlunni arnaq ataasiinnaavoq. Inatsisartuni ilaasortat pingajorarterutaat arnaapput, kommunalbestyrelsimilu ilaasortat sisamaagaangata ataaseq arnaasarpoq. Demokraatit tusagassiutinut taama nalunaaruteqarput, kommunalbestyrelsemullu qinersinissamut arnat amerlanerit qinigassanngorteqqullugit kajumissaarpaat.
|
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
