Kalaallit Nunaat pikkunarlunilu mamartulissuuvoq

Kalaallit Nunaanni takornariaqarnermut inuussutissarsiornermullu siunnersuisooqatigiit GTEpnerisassiorneq pillugu aallakaatitassaiat "A taste of Greenland"-it pingajuat ippassaq saqqummiuppaat. Tamanna Københavnimi Kalaallit Illuutaanni pivoq.
by Noah Mølgaard
29. November 2011 07:42

A Taste of Greenland tassaavoq GTEp aningaasarpassuit atorlugit suliaa New Zealandimiu iggarissorsuaq Chris Coubrough igasorlugu nunatta pissarititai atorlugit asimi igalluni aallakaatitassiaq. Pilersaarutit malillugit aallakaatitassiat arfinillit suliarineqassapput.

Aallakaatitassiat pingajuanni tv-mi igasartoq umimmanniaqataassaq, qamuteralalluni, qimusserluni, sisorarluni, assagiarsunniarlunilu raajarniarluni, aqissiliarluni aammalu sisorariaaseq heliskiing aamma misilissallugu. Taakku saniatigut iganiarpai umimmaat, aqissut, issittut assagiarsua raajallu. Tamakku Qeqqata Kommuniani filmiliarineqarput.

Taste of Greenlandimi filmiliani aatsaat ukiuunerani filmiliortoqarpoq GTE-millu neriuutigineqarpoq taakku atorlugit ukiuunerani takornariat amerlisarneqarsinnaajumaartut.

Also read